ചങ്ങരംകുളം: അന്താരാഷ്ട്ര ലഹരി മാർക്കറ്റിൽ വൻ വിലപിടിപ്പുള്ള എംഡിഎംഎ
പോലെയുള്ള ലഹരി വസ്തുക്കൾ
പോലീസിൻറെ കർശന
നിയന്ത്രണം ഉള്ള ലോക്ക്ഡൗൺ
കാലത്ത് ആലങ്കോട് പോലെയുള്ള ഒരു ഗ്രാമപ്രദേശത്ത് വിൽപ്പനയ്‌ക്ക്‌ എത്തിയതിനെ പറ്റി സമഗ്രമായ അന്വേഷണം നടത്തണമെന്ന് ചെയ്യണമെന്ന് ചങ്ങരംകുളം പൗരസമിതി ആവശ്യപ്പെട്ടു.
ആലങ്കോട് കഴിഞ്ഞ ദിവസം ലഹരി പിടിക്കപ്പെട്ട പ്രതിയുടെ വീട്ടു പരിസരത്ത് എക്സൈസ്‌
ഉദ്യോഗസ്തന്മാർക്ക്‌ വേണ്ടി സാക്ഷി പറയാൻ തയ്യാറായ തദ്ദേശീയരായ ആളുകളെ പ്രതികളുടെ ആളുകൾ ഭീഷണിപ്പെടുത്തിയത് അങ്ങേയറ്റം ഗൗരവവും ആശങ്കാജനകവുമാണ്‌. ലഹരി മാഫിയയേ അമർച്ച ചെയ്യാൻ നിയമപാലകർ തയ്യാറാകണം.
പ്രദേശവാസികളും പൊതു ജനങ്ങളും ഇതിനെതിരെ കൂട്ടായി രംഗത്ത് വരണം.
മേഖലയിൽ സ്കൂൾ കുട്ടികൾക്ക്‌ അടക്കം ലഹരി കൈമാറുന്ന വൻ റാക്കറ്റിലെ പ്രധാന കണ്ണികളാണ്‌ ഇവർ. ഇവർക്ക്‌ പ്രമുഖരിൽ നിന്ന് സഹായം ലഭിക്കുന്നുണ്ടോ എന്ന് സംശയിക്കണം. പൗരസമിതി ഇതുസംബന്ധമായി എസ് പി, ഐജി, ഡി ജി പി എന്നിവർക്ക്‌ പരാതി നൽകും.
ചെയർമാൻ പി പി എം അഷ്റഫ് അധ്യക്ഷത വഹിച്ചു. റാഫി പെരുമുക്ക്‌, വാരിയത്ത്‌ മുഹമ്മദലി, കുഞ്ഞിമുഹമ്മദ്‌ പന്താവുർ, സുരേഷ്‌ ആലംകോട്‌, പി പി ഖാലിദ്‌, ടി വി മുഹമ്മദ് അബ്ദുറഹ്മാൻ, കെ സി അലി, കെ അനസ്‌, മുജീബ്‌ കോക്കൂർ പ്രസംഗിച്ചു.
Mookkuthala Live 🌎
Comments
Post a Comment