Mookkuthala Live

"മകരത്തിലെ മുപ്പെട്ടു വെള്ളിക്ക് കണ്ണേങ്കാവിലെ പൂരം...!"            ജെനു മൂക്കുതല     കായലോരത്തെ ചിരപുരാതന കുടുംബക്ഷേത്രത്തിൽ നിന്നും ചെണ്ടയുടെ ചടുലമായ താളപ്പെരുക്കം തണുത്ത കായലോളങ്ങളെ തഴുകിയലഞ്ഞ കാറ്റിൽ ഗ്രാമദൂരങ്ങൾ പിന്നിട്ടു...           അലയൊലിയെ അനുഗമിച്ച്      കുട്ടികൾ കൂട്ടത്തോടെയോടി... ഗ്രാമവീഥികൾ ഉണർന്നു...           മകരമാസത്തിലെ     "മുപ്പെട്ടു വെള്ളിക്ക് കണ്ണേങ്കാവിലെ പൂരം..."     തട്ടകത്തിലെ കുട്ടികളുടെ മനക്കോട്ടകൾക്കുള്ള മൂക്കൻചാത്തന്റെ പൂരവിളംബരവും അമ്പലത്തിലെ കൊടിയേറ്റവും കഴിഞ്ഞാൽ പിന്നെ ആർക്കും തട്ടകം വിട്ട് പോയി പാർക്കാനാവില്ല എന്നാണ് പഴമക്കാരുടെ പ്രമാണം...!     അഥവാ ആരെങ്കിലും ആചാരലംഘനം നടത്തിയാൽ ഉഗ്രപ്രഭാവിയായ ദേവീ കോപം തീർച്ചയാണെന്നാണ് പഴമക്കാർ അനുഭവസഹിതം പറഞ്ഞുഫലിപ്പിക്കാറുള്ളത്...!     ദേവീ പ്രീതിക്കും ഉദ്ദിഷ്ട കാര്യസാധ്യത്തിനുമായി തട്ടകത്തിലമ്മക്ക് ഉപാസകർ മനസ്സുരുകി നേരുന്ന വഴിപാടുകൾ ഏറെയാണ്:     പൂ...

Mookkuthala Live🌎 മകരത്തിലെ ആദ്യ വെള്ളി ഓരോ മുക്കോലക്കാർക്കും മനസ്സിൽ ഗൃഹാതുരത്വം നിറക്കുന്ന ഓർമകളാണ് സമ്മാനിക്കാറ്. സ്രാവ് വിൽപ്പനയും ചാണക വെള്ളം തളിച്ചുള്ള മുറ്റങ്ങളും വഴിയൊരത്തിലെ കളിപ്പാട്ട വിലപ്പനക്കാരും പൊരികച്ചവടക്കാരും വെടിക്കെട്ടിനുള്ള കുഴിയെടുക്കലും മേളക്കാരും നിറഞ്ഞു നിൽക്കുന്ന പൂരം തലേന്ന്. ഉപ്പ് തൊട്ട് കർപ്പൂരം വരെ ലഭിക്കുന്ന, ചുറ്റും ആൾക്കൂട്ടത്തിൻ്റെ ആരവങ്ങളും, കത്തി മൂർച്ച കൂട്ടുന്ന ശബ്ദവും, മീനിൻ്റെയും നനഞ്ഞ മണ്ണിൻ്റെയും ഗന്ധം വിളിച്ചോതുന്ന മഠത്തിപാടത്തിലെ വാണിഭ കാഴ്ചകളിൽ മുഴുകി നടന്നിരുന്ന മൂക്കൊലക്കാർക്ക് ഈക്കൊലം ഓർമകളിൽ ഇന്ന് പൂര തലെന്നുള്ള വ്യാഴം. കോവിടിൻ്റെ പാശ്ചാത്തലത്തിൽ ചുരുങ്ങിയ ആഘോഷങ്ങൾ ഒട്ടും തന്നെ പൂരത്തിൻ്റെ മാറ്റ് കുറക്കുന്നില്ല. വെടിക്കെട്ടിൻ്റെ മുഴക്കവും കരി തൻ്റെ ചിലങ്കയുടെ ശബ്ദവും ചെണ്ടയുടെ നാദവും വരും വർഷങ്ങളിൽ കണ്ണെങ്കാവിൻ്റെ ആൽത്തറയിൽ അലയടിക്കുക തന്നെ ചെയ്യും.  ജോയൽ ഉണ്ണി ജോയ്