മന്ത്രി ജലീലിനെ തോൽപ്പിക്കുക- കേരള മദ്യനിരോധന സമിതി

എടപ്പാൾ: ഗ്രാമപഞ്ചായത്തുകൾക്ക്‌ ഉണ്ടായിരുന്ന മദ്യനിയന്ത്രണാധികാരം ഓർഡിനൻസുകളിലൂടെ എടുത്തുകളഞ്ഞു കൊണ്ട്‌ കേരളത്തിൽ മദ്യത്തിന്റെയും മദ്യശാലകളുടെയും വ്യാപനത്തിനു അടിത്തറ പാകി കേരളത്തിലെ മന്ത്രി ജലീലിനെ തോൽപ്പിക്കണമെന്ന് കേരള മദ്യ നിരോധന സമിതി സംസ്ഥാന സെക്രട്ടറി ഇയ്യച്ചേരി കുഞ്ഞികൃഷ്ണൻ ആവശ്യപ്പെട്ടു.

രണ്ട്‌ ദിവസമായി മന്ത്രി ജലീലിന്റെ തവനൂർ നിയോജക മണ്ഡലത്തിൽ കേരള മദ്യ നിരോധന സമിതി നടത്തിയ വാഹനജാഥയുടെ സമാപനം നടുവട്ടത്ത്‌ ഉദ്ഘാടനം ചെയ്യുകയായിരുന്നു അദ്ദേഹം. 

സമിതിയുടെ മലപ്പുറം ജില്ലാ പ്രസിഡന്റ്‌ മജീദ്‌ മാടമ്പാട്ട്‌ അദ്ധ്യക്ഷത വഹിച്ചു. അലവിക്കുട്ടി ബാഖവി, സഹീർ താനൂർ, അബ്ദുറഹീം മലപ്പുറം, കെ അനസ്‌ ചങ്ങരംകുളം, മുജീബ്‌ കോക്കുർ പ്രസംഗിച്ചു.

Mookkuthala Live 🌎