മലയാളം മിഷന്റെ മാതൃഭാഷാ പ്രതിഭ പുരസ്കാരം അശോക് ഡിക്രൂസിന്

തിരുവനന്തപുരം:സാംസ്കാരിക വകുപ്പിന് കീഴിലുള്ള മലയാളം മിഷന്റെ 2020 ലെ മാതൃഭാഷാ പ്രതിഭാ പുരസ്കാരത്തിന് തുഞ്ചത്തെഴുത്തച്ഛൻ മലയാള സർവ്വകലാശാല അസി. പ്രൊഫ.ഡോ. അശോക് ഡിക്രൂസ് അർഹനായി. മലയാള ഭാഷയെ സാങ്കേതിക വിദ്യാ സൗഹൃദമാക്കുന്നതിനുള്ള മികവിനാണ് മലയാളം മിഷൻ 'മലയാള ഭാഷാ പ്രതിഭാ പുരസ്കാരം' ഏർപ്പെടുത്തിയിരിക്കുന്നത്. 50,000/രൂപയും പ്രശസ്തി പത്രവും തൊന്റോയുമാണ് പുരസ്കാരം.

ഡോ. അശോക് ഡിക്രൂസ് സമർപ്പിച്ച തിരൂർ മൊബൈൽ ആപ്ലിക്കേഷൻ, എഴുത്താശാൻ മൊബൈൽ ആപ്പ് എന്നിവയാണ് പുരസ്കാരത്തിന് അർഹമായത്. മൊബൈലിലെ മലയാള ഭാഷയുടെ ഉപയോഗക്ഷമതെ വിപുലീകരിക്കുന്നതിന് ഈ പ്രവർത്തനങ്ങൾ സഹായകരമാണെന്ന് ഡോ. കെ. ജയകുമാർ ഐ.എ.എസ്. അധ്യക്ഷനും, പ്രൊഫ. വി. കാർത്തികേയൻ നായർ, കെ. മനോജ്കുമാർ എന്നിവർ അംഗങ്ങളുമായ പുരസ്കാര നിർണ്ണയ സമിതി വിലയിരുത്തി. മലയാള ഭാഷാ സാഹിത്യത്തിന്റെ വളർച്ചക്കും പ്രചരണത്തിനും 'തിരൂർ മലയാളം' നൽകുന്ന സംഭാവനകളെയും അവാർഡ് സമിതി പരിഗണിച്ചു.

Mookkuthala Live🌎